Pas Bjeshkëve të Sharrit, liqenit të Jazhincës apo bukurive të Prevallës, presidenti Meta kësaj rradhe ka kaluar fundjavën mes maleve dhe pyjeve të Bizës dhe Martaneshit. Duke shpalosur bukuritë e maleve shqiptare shkruan:” Biza ka edhe një liqen shumë të bukur dhe impresionues, të rrethuar nga pyje dhe male, për të cilat duhet treguar kujdes dhe vëmendje,ndërsa monumentet natyrore janë pafund, siç është dhe gjelbërimi i pyjeve dhe maleve drejt Ballenjës në Martanesh.”
Meta shfaqet mes barinjve dhe eksploratorëve duke treguar bukuritë e natyrës shqiptare. Meta ishte edhe në Ballenjë të Martaneshit, ku ndodhet Vendi i mirë i Teqesë së Vjetër dhe uron gjtihë besimtarët bektashinj dhe gjithë besimtarët shqiptarë, cilët këtë javë nisin pelegrinazhin e tyre në malin e shenjtë të Tomorrit.
Sipas Metës ky është një atraksion turistik për shumë turistë shqiptaë dhe të huaj me bukuritë që përmban sic janë shpella e Valit apo objektet e kultit dhe besimit. Meta:”Një peizazh i bukur malor, midis Bizës dhe Martaneshit, ndodhen disa monumente natyrore, siç është edhe shpella e Valit. Kënaqësi të takoja eksploratorë të huaj dhe vendas të shpellave, të cilët ashtu si edhe unë, ishin mrekulluar nga ky atraksion turistik.”
g.kosovari
