Në “Parc des Princes” u zhvillua kryendeshja e javës së 6-të mes PSG-Lyon,përfunduar 2-1 në favor të parizienëve. Një 90 minutësh dramatik, për mënyrën sesi shkoi ndeshja, pasi PSG ia doli të fitonte vetëm në frymën e fundit falë golit të Icardit. Një pjesë e parë që do të përfundonte pa gola, ndërsa në të dytën, do të ishin miqtë nga Lyoni që do kalonin të parët në avantazh.
Në minutën e 54′, Paqueta u tregua i saktë përballë Donnarummas.Një realizim i tillë, nuk frikësoi PSG, që vazhdonte të sulmonte me Neymar-Messi-Mbappe, ndihmuar edhe nga Di Maria. Megjithatë goli i barazimit do të vinte vetëm nga penalltia.
Ndërkohë Lionel Messi refuzoi t’i japë dorën trajnerit të tij, Mauricio Pochettin pasi u zëvendësua 15 minuta para përfundimit të ndeshjes së sotme me Lyonin në “Parc de Prince”.
Pamjet tregojnë ish-lojtarin e Barcelonës që injoron dorën e zgjatur të menaxherit të tij teksa ecën jashtë fushës.
Gjashtë herë i fituesi i Topit të Artë ishte afër gjetjes së golit të tij të parë me uniformën e PSG-s, por shtylla e pengoi.
PSG kishte një formacion sulmues për ndeshjen ndaj Lyon-it, me Messin që filloi së bashku me Angel Di María, Neymar dhe Kylian Mbappé në katërshen përpara. Sidoqoftë gjërat nuk shkuan sipas parashikimeve edhe pse në fund Icardi i dha fitore 2-1 PSG-s.
g.kosovari
