Policia Rrugore ka pezulluar 45 leje drejtimi këtë të dielë për shpejtësi tej normave të lejuara.
Përgjatë paradites së sotme, nga Morina në Sarandë, janë konstatuar shkelje në drejtim të tejkalimit të normave të shpejtësisë që varionin nga 171 km/h deri në 181 km/h, kryesisht në autostradat “Tiranë – Elbasan”, “Tiranë – Durrës” dhe “Fier – Vlorë”.
Gjithashtu janë vendosur 645 masa administrative në total, për parakalime të gabuara, për përdorim të celularit gjatë drejtimit të mjetit si dhe për mosvendosje të rripit të sigurimit apo të kaskës mbrojtëse.
Në të gjitha rrugët e vendit janë duke patrulluar 11 makina inteligjente dhe 16 radarë automatikë. Ndërsa,në disa segmente të cilësura njolla të zeza janë vënë në përdorim edhe dronët, për të parandaluar dhe ndëshkuar parakalimet e gabuara.
