Policia ka vijuar kontrollet për shkeljet e rregullave të qarkullimit rrugor gjatë mbrëmjes së djeshme në aksin Tiranë-Durrës.
Gjatë orëve të mbrëmjes janë konstatuar makina që udhëtonin me shpejtësi 128 deri në 166 km/h.
Janë pezulluar 7 leje drejtimi dhe janë vendosur 16 gjoba gjatë mbrëmjes për shpejtësi të lartë dhe manovra të rrezikshme.
Njoftimi i policisë:
Policia Rrugore e Tiranës, po vijon kontrollet me në rrugën interurbane Tiranë – Durrës – Tiranë, për të parandaluar shpejtësinë tej normave të lejuara, e cila është rrezik potencial për përfshirje në ngjarje rrugore.
Gjatë orëve të mbrëmjes, në të dyja kahet e lëvizjes janë konstatuar shpejtësi tej normave të lejuara, që varonin nga 128 km/h deri në 166 km/h, ku në rrugë trafiku ishte ende i lartë.
Si rezultat i monitorimit janë pezulluar 7 leje drejtimi, për shpejtësi tej normës së lejuar.
Janë vendosur 16 masa administrative për shpjetësi dhe manovra në rrugë, si dhe janë vendosur 2 masa administrative maksimale me vlerë 40.000 lekë të rinj, pasi drejtuesit e mjeteve ishin rezident në një shtet tjetër.
Monitorimi ka vijuar dhe në rrugët e brendshme të qytetit me drager, ku si rezultat janë vënë në pranga 2 drejtues mjetesh në gjendje të dehur deri në masën 0.96 mg/l.
Janë pezulluar 8 leje drejtimi për drejtim mjeti nën efektin e alkoolit.
Si dhe janë vendosur 9 masa administrative me vlerë 15.000 lekë të rinj secila për drejtim mjeti nën efektin e alkoolit, por pas sanksionin plotësues të pezullimit të lejes së drejtimit.
g.kosovari
