Televizioni sirian Al Hayat, i cili mbështet ISIS, ka shfaqur në video të re, me kërcënime për akte terroriste në Perëndim.
Në video shfaqen tetë terroristët e Parisit, pak ditë përpara sulmeve të 13 nëntorit, ku mbetën të vdekur 129 persona.
“Nuk do ta ndalojmë luftën, kudo që të ndodheni, në udhëtimet tuaja turistike, në vendet e punës apo kur flini të qetë në shtëpitë tuaja” thuhet në videon e terroristëve.
Në këtë video katër prej tyre shfaqen duke prerë kokat e disa pengjeve, ndërsa një tjetër prej tyre duke qëlluar një tjetër person, i cili nuk dihet se kush është.
Njëri prej terroristëve të videos, Abaaoud, belg me origjinë marokene, i cili kishte lidhje me sulmin e janarit të vitit 2015 në revistën satirike Charlie Hebdo, është parë të stërvitet në kampet e ISIS në Irak dhe Siri.
Gjithashtu në mesazhin e ISIS, Londra është në shënjestrën e terroristëve, sepse ata lejuan sulmet ajrore kundër shtetit islamik. Ata i bënë thirrje ”ujqve të vetmuar” të godasin kryeqytetin britanik.
