Policia Rrugore e Tiranës me qëllim rritjen e parametrave të sigurisë, gjatë fundjavës intensifikon prezencën dhe kontrollet për konstatimin dhe ndëshkimin e drejtuesve të mjeteve që përdorin mjetin nën efektin e pijeve alkoolike.
Nga kontrollet e kryera, u evidentuan drejtues mjetesh me nivele të frikshme të alkoolit si 2,30 mg/l, 1,60 mg/l, që konsiderohen norma mjaft të larta.
Në rrugën “Konferenca e Pezës” u verifikua se shtetasi me iniciale I. Q. 44 vjeç, drejtonte mjetin nën efektin e alkoolit në masën 1,60 mg/l.
Në rrugën “Muhamet Gjollesha” u verifikua se shtetasi me iniciale A. L. vjeç 46, drejtonte mjetin nën efektin e alkoolit në masën 2,30 mg/l.
Në rrugën “Marije Kraja” u verifikua se shtetasi me iniciale F. P. 28 vjeç, drejtonte mjetin nën efektin e alkoolit në masën 0,71 mg/l.
Policia ka kryer ndalimin e këtyre drejtuesve mjetesh të cilët konsiderohen burim aksidentesh./a.m.
