U ndaluan për një kontroll rutinë teksa udhëtonin me makinën e tre në Garbagnate të Milanos në Itali, por aty policia zbuloi lëndë narkotike.
Siç mund të shihni në videon më poshtë, një çift shqiptarësh u gjetën me 76 doza kokainë me peshë prej 38 gramë dhe 1430 euro me vete.
Bëhet fjalë për një djalë dhe një vajzë nga Shqipëria, që të dy 29 vjeç, të cilët u arrestuan pasditen e së shtunës.
Ata i thanë patrullës së policëve se ndodheshin në Itali për pushime, por sjellja e tyre e dyshimtë, bëri që të thelloheshin kontrollet.
Kështu në mjetin e drejtuar nga vajza, policia gjeti dozat e kokainës të mbështjella me letër aluminë. Vajza kishte me vete një teserë të policisë shqiptare dhe deklaroi se ishte një police në detyrë, por hetimet zbuluan se gjithçka ishte mashtrim, për të shpëtuar nga prangat.
/a.r
Me kokainë në makinë, pamjet si u kap “policja” shqiptare bashkë me një djalë on Vidnews.
