Pas videos ku gazetari Artan Hoxha pretendon se shfaqet kryebashkiaku i Bulqizës duke konsumuar kokainë, ka reaguar ky i fundit.
Videon që më pas u përdor edhe nga PD, Lefter Alla e quan montazh nga grupet kriminale.
Ai thotë se kjo vjen si pasojë e faktit që grupeve të tilla të PD-së u është prerë rruga e vjedhjes.
Reagimi i plotë:
“Është për të ardhur keq kur një parti që ka bërë histori në këtë vend, një parti që pretendon se është alternativë qeverisëse, e redukton aksionin e vet politik në montazhe e transmetime videosh me Babale.
Por, është akoma më kriminale kur kjo parti, e koordinon aksionin e vet politik me grupe biznesi e grupe kriminale, që dikur plaçkisnin pasurinë e Bulqizës me bekimin e Partisë Demokratike.
Dhe sot, që Bulqizën nuk e drejton më PD dhe atyre iu është prerë rruga e grabitjes, kthehen të gjithë bashkë në montazhierë për të më shantazhuar mua!
Montazhi që po shfaqin sot është seria e radhës e telenovelës Babale, që si për turp shfaqet në TV me Ervin Salianjin, të njëjtin njeri që sajoi Babalen e që sot është dënuar me burg për mashtrimin e vet në atë telenovelë e do të përballet me gjykatën edhe për këtë rast.
Nuk ka shanse që t’ju ecë ky shantazh.
Unë nuk jam në detyrë për të kënaqur orekset e mbushur xhepat e klientëve të PD që për vite me radhë e kthyen Bulqizën në një parajsë për grabitje e ferr për qytetarët.
Jam këtu për të punuar për qytetarët e thjeshtë dhe jam krenar që një nga punët më të mira që kam bërë ka qenë largimi i asaj tufe grabitësish që sot montojnë video në SHQUP”.












Zoti Alla pergjigja me e mire per Salianj8n eshte padia juaj ne gjykate per mashtrim.Me mire se rruga e drejtesise nuk ka