Pas zgjedhjes si kryetar i Rithemelimit në Lezhë, ish-gjyqtari Gjin Gjoni, vijon aktivitetin me militantët e foltores në tryezat e mbushura.
Një nga këto, ku nuk ka munguar pija e ushqimi me shumicë, në mesin e çakërqejfit ka nisur edhe kënga, siç ndodh në zijafetet shqiptare.
E në mesin e këngëve, njëra i është kushtuar Gjin Gjonit, ku refreni ishte “më mirë Gjini se Pjerini”, duke ju referuar kryebashkiakut të Lezhës. Kreu i ri i foltores për Lezhës, duket se po i pëlqen statusi i ri, pasi shikohet i qeshur, e i gëzuar.
Gjin Gjoni i hyri politikës me partinë e Berishës, pasi dha dorëheqjen nga drejtësia, duke mos pranuar hyrjen në vetting.
Gjatë kohës kur punonte si gjyqtar, apo edhe anëtar i Këshillit të Lartë të Drejtësisë, Gjoni konsiderohej si “gjyqtari me rolex”, që mori shkas nga luksi që tregonte në pamjen e jashtme dhe mënyrën e jetesës.
/a.r
