Një grua në Teksas, SHBA është filmuar live nga televizionet amerikane, ku shihet teksa ecën me shpejtësi duke u munduar t’i ikë patrullave të policisë.
Caitlyn Rodriguez, 29-vjeç, shihet duke drejtuar mjetin me 160 kilometra në orë nëpër një autostradë edhe pse në makinë kishte fëmijën e saj.
Por kjo nuk e pengoi këtë grua që të ecte me shpejtësi të madhe duke rrezikuar edhe qytetarët e tjerë.
Duke ikur nga policia Caitlyn Rodriguez në një moment humb kontrollin dhe përplaset me një veturë tjetër. Por, duket se kjo nuk i mjaftoi asaj, pasi tentoi të arratiset nga vendi i ngjarjes së bashku me foshnjën.
Rodriguez tenton të futet në një veturë tjetër, por dështon pasi e kap policia./a.m.
