Kushedi ç`do të kishte thënë Marilyn Monroe e cila thoshte dikur me këngë se ‘diamantet janë miqtë më të mirë të një vajze’, nëse do të kishte parë me sytë e saj diamantin e parë “matrioshka” në botë. Guri i çmuar ka marrë këtë emër për shkak të kukullave të famshme ruse që mbajnë brenda vetes kukulla të tjera më të vogla.
Ky është në fakt shembulli i parë i një diamanti të ndodhur brenda tjetrit. Diamanti “Matrioshka” u zbulua nga kompania ruse e minierave Alrosa, e cila kohët e fundit nxori në dritë dhe një diamant rozë 14.8 karat, me vlerë mbi 60 milionë dollarë.
Guri “dysh” peshon 0.62 karat (rreth 124 miligram) dhe u gjet në minierën Njurba në republikën e Jacuzia-s. Brenda diamantit të jashtëm ka një zgavër të vogël, e cila përmban një diamant më të vogël, prej 0.02 karatësh (4 miligram) I cili lëviz lirshëm. Sipas Oleg Kovalchuk, zv/drejtor për risitë e Alrosa, nuk është gjetur asnjëherë më parë një gur I ngjashëm me këtë. Diamanti u analizua duke përdorur spektroskopinë infra të kuqe, përveç mikrotomografisë me rreze X.
g.kosovari
