Këto janë pamjet e para që bëhen publike nga kamera e trupi të një polici, filmuar në çastet e terrorit, kur 64-vjeçari Paddock hapi zjarr mbi një turmë me 22 mijë njerëz që ndiqnin një koncert, duke lënë të vdekur 59 persona dhe plagosur më shumë se 500 të tjerë.
Një vështrim më i afërt, nga perspektiva e policisë, mbi kaosin e mbrëmjes së 2 Tetorit ka zbuluar dinamikën e ngjarjes.
Me qindra forca policie në vendngjarje, por tepër e vështirë të kuptohej se nga vinin plumbat. Vonesa solli edhe më shumë viktima.
Video e publikuar gjatë një konference të policisë se Las Vegasit tregon ngjarjen që u zhvillua për 72 minuta. 64-vjeçari, qëndronte në katin e 32 të një hoteli në Las Vegas. Ai qëlloi nga dy pika të ndryshme nga dhoma e tij e hotelit.
Video vjen pas publikimit të fotove që u shkrepën nga efektivët brenda dhomës se Padock. Në to shfaqet 64 vjeçari, pasi ka vrarë veten dhe disa nga armët.
Policia tha se amerikane kishte të paktën edhe 10 valixhe të mbushura me municione. 47 gëzhoja janë sekuestruar nga tre vende të ndryshme në perimetrin e hotelit.
Misterin mbi ngjarjen tragjike, më të përgjakshëm në historinë amerikane moderne, pritet ta zbardhe e dashura e 64 vjeccarit e cila është kthyer mbrëmjen e së martës në SHBA. Ajo u shoqërua nga agjentet e FBI-së dhe po merret në pyetje. Sipas të dhënave ajo kishte lënë Shtetet e Bashkuara në mesin e muajit Shtator. Autoritet thanë se kohët e fundit, shuma të mëdha parash transferoheshin nga Padock drejt një banke Filipinase, vendi i origjinës së Marilou Danley.
a.ç
