Kryeministri Edi Rama ka publikuar këtë të martë një video nga shpërndarja e librave falas për nxënësit, duke ndarë me qytetarët emocionet e prindërve dhe fëmijëve që përfitojnë paketën e plotë të librave për vitin e ri shkollor.
Në video dëgjohen zëra të gëzuar fëmijësh që presin me padurim fillimin e vitit të ri, si dhe prindër që ndajnë emocionet e tyre: “Unë kam ardhur këtu për të marrë librat e klasës së parë,” thotë një fëmijë, ndërsa një prind shprehet: “Emocionet janë pa fund, gati të qajmë jemi… shumë të emocionuar.”
Një tjetër prind shton: “Si fillimi i klasës së parë, shumë mirë, me emocione.”
“Normalisht jemi të emocionuar sepse na kujtohet vetja kur kemi qenë fëmijë.”, thotë një tjetër.
Dhe nuk mungon zëri i një gjysheje që thotë se ka ardhur të marrë librat për mbesën e saj, ndërsa një vajzë nxënëse shprehet: “Unë jam shumë e lumtur që po fillon shkolla.”
Kujtojmë se një ditë më parë nisi shpërndarja e librave falas për 236 mijë nxënës në të gjithë Shqipërinë. Ministria e Arsimit dhe Sportit, e përfaqësuar nga ministrja Ogerta Manastirliu, ishte prezente në shkollën “Lidhja e Prizrenit” në Tiranë, ku ndoqi procesin e shpërndarjes.
Manastirliu njoftoi se për këtë program qeveria ka investuar 9 milion euro, duke siguruar libra falas për të gjithë nxënësit nga klasa e parë deri në të nëntën, si dhe për kategori të veçanta në shkollat e mesme që janë në vështirësi ekonomike dhe sociale.
Përveç shpërndarjes së librave, ministrja theksoi punimet në vijim për rehabilitimin dhe rindërtimin e disa shkollave, që do të hapin dyert për vitin e ri shkollor me kushte më të mira për nxënësit.
Vlersojeni dhuraten e gjyshit,sju ka harruar,ju done forte gjyshi.