Një video e postuar nga Daily Mail, shfaq momentin kur një vogëlush trim qëndron pranë një leopardi të zemëruar, që tenton ta sulmojë përmes xhamit mbrojtës në një kopsht zoologjik.
Vogëlushi shihet se si i afrohet xhamit për ta parë më mirë leopardin i cili pa kurrfarë paralajmërimi i vërsulet, por që fatmirësisht xhami mbrojtës e shpëton nga më e keqja.
Ai në vend se të ikte, Grayson 17-muajsh nuk shfaq frikë dhe vazhdimisht dukej i gëzuar dhe nuk mund të ndalej së qeshuri me leopardin.
Derisa kjo kafshë e egër vazhdimisht tenton të “kapë” vogëlushin, Grayson vrapon pas tij duke menduar se po argëtohet macja e madhe.
Kjo ngjarje ka ndodhur në kopshtin zoologjik në Virginia, ku Grayson ishte në një udhëtim me nënën e tij. /a.m.