Lara Colturi e ka mbyllur garën e Sllallomit në Semmering të Austrisë në vendin e 14. Kjo ishte dhe gara e fundit për këtë vit kalendarit, i cili ishte një vit i shkëlqyer për 18-vjeçaren Kuq e Zi.
Vit që kulmoi me vendin e dytë në etapën e Gurgl më 23 nëntor. Tashmë, Lara është një talent i konfirmuar dhe ka konsoliduar veten në top15 në të dy disiplinat teknike, si në Sllallom ashtu edhe në Giant Sllallom.
Mund të përmendim faktin se gjatë 2024, Lara ka arritur plot 10 herë të jetë në Top 15 dhe nga këto 4 herë midis 10 më të mirave, shkruan A2.
Garat do të zhvendosen në Kranjska Gora më 4-5 Janar. Lara do të ketë shumë pak ditë për të festuar ndërrimin e viteve dhe për të rifilluar përsëri këtë aventurë të Kupës së Botës.
