Kryeredaktori i Rilindjes Demokratike, Bledi Kasmi ishte sot në seancë dëgjimore në Komisionin e Medias ku u thirr për të raportuar lidhur me incidentin gjatë protestës ku ai mbeti i lënduar.
Mbledhja u shoqërua me debate të ashpra mes deputetëve të mazhorancës dhe opozitës.
Por gjate disktutimit ne Komision, deputetja e Partise Socialiste Adelina Rista nxorri fotot e 4 vrasjeve të 21 Janarit 2011.
DEBATI
Ylli: Berisha shpalli pucistë katër gazetarë dhe i thirri në komision dhe hyri në lokal dhe i nxori me dhunë.
Vokshi: Ore po turp i madh, ai është me kokën e çarë ju vazhdoni akoma fajin e ka Saliu? Ca po thua, i ra gurit me kokë?
Fidel Ylli: kjo është dhuna që i bëni ju si opozita maxhorancës në komision, unë ju dëgjova me vëmendje, i uroj shërbim të shpejtë gazetarit, kam pasur lokal që quhej bar West që rrinin gazetarët dhe i respektoj maksimalisht ata. Nuk kujtoj Saliun e parë apo të dytë, por kur qeveria e tyre i thërriti gazetërt pucistë, gazetari në fjalë urdhëroni te RD cfarë shkruan. Ky gazetar, shikojeni, dështojnë puçistët. Nuk ma mbyllni dot gojën mua, gazetari juaj nuk është gazetar.
Boci: a është për ty ajo?
Ylli: Mbylle gojën e rri urtë se me mua e ke të humbur.
Vokshi: shumë mirë bëre, bravo, trego protestën e fundit dhe dhunën.
Ylli: Urdhëroni shkrimin këtu, ja ku i keni shkrimet.
Vokshi: Bini me këmbët tuaja, kush ta ka dhënë këtë është për Edi Ramën?
Fidel Ylli: Ju vratë 4 veta në bulevard futët në burg gazetarë, ca i larguat në azil dhe vini tani me një gazetar anëtar partie që bën viktimën këtu. Ky gazetar është viktimë jo gazetar i medias së lirë.
Ndërhynë Luciano Boçi: Mbylle gojën
Fidel Ylli: Ik ore lëngaraq, u bëri ti
Luçiano Boçi: Langaraq je ti
Albana Vokshi: Qetësi
Luçiano Boçi: Mbylle gojën
Fidel Ylli: Gojën mbylle ti…katër vrasje qeveria jote, katër, katër
Luçiano Boçi: I vetmi që është gëzuar me ato katër vrasje ka qënë Edi Rama, legen
Fidel Ylli: Legen je ti, lëngaraq, halabak, je rrugaç, kryerrugaç dhe ordiner
Luçiano Boçi: Rrugaç je ti që ju pret fjalën kolegëve këtu, që nuk respekton radhën
Albana Vokshi: E shara dhe e fyera…
Vijojnë të sharat
Albana Vokshi: O çuç pusho ti tani…s’ka gjë se jam unë me mikrofon
Luçiano Boçi: Si të dua unë do flas
Fadil Nasufi-Vokshit: Pse nuk ja jep fjalën atij, ça tagri ka ai këtu (Për Fidel Yllin)
/a.m.
Kryeredaktori i RD: U vetëmbrojta duke shtyrë kordonin policor…
