Sudesh Amman është emri i terroristit i cili u vra pasditen e sotme në Londër nga policia. Ai me anë të një hanxhari terrorizoi zonën në Streatham High Road pasditen e kësaj të diele, ndërsa më pas u qëllua për vdekje nga policia.
Pas vrasjes, policia i hoqi bluzën pasi në trup mbante një rrip që dyshohej se ka eksploziv.
Mediat britanike bëjnë me dije se Amman më parë ishte dënuar me tre vjet burg por ishte liruar pasi kishte kryer gjysmën e dënimit, megjithatë mbikqyrej pasi kishte dyshime se mbante pikëpamje ekstremiste.
Edhe kryeministri britanik Boris Johnson reagoi në lidhje me këtë sulm. “Lutjet e mia janë me të dëmtuarit dhe të gjithë ata që preken nga tragjedia”, shkroi në rrjetet sociale Johson. Policia ka thënë është në gatishmëri për çdo situatë të pakëndshme.
Ndërkohë tabloidi “Daily Mail” ka publikuar pamjet shokuese të ngjarjes së tmerrshme që ndodhi në Londër, ku oficerët e policisë ekzekutuan një terrorist. Nga videoja e publikuar shihet qartë përleshja mes terroristit dhe policëve.
Një nga policët ka arritur t’u shpëtojë jetën dy personave të pafajshëm që u qëlluan me thikë nga ekstremisti 20-vjeçar.
Tre oficerët e policisë britanike ishin të maskuar si civilë, prandaj dhe arritën të vrisnin terroristin Sudesh Amman./ Javanews
