Policia arrestoi shtetasin Durim Sema 55 vjeç, banues në Tiranë pasi ka vjedhur portofolin e një klienteje në një dyqan dietologjik dhe ditën tjetër në zyrat e një Agjencie, tenton të vjedhë dhe një tjetër qytetar.
Nga veprimet hetimore të kryera rezulton se autori ka kryer dhe tre vjedhje të tjera të ndodhura më parë në Kryeqytet.
Durim Sema në rrugën “Themistokli Gërmenji”, në zyrat e një Agjencie ka tentuar të vjedh shtetasin N. S., ndërkohë që po një ditë më parë në rrugën “Brigada 8”, në zyrën e dietologes së njohur Blerina Bombaj, i ka vjedhur portofolin punonjëses V. T.
Janë sekuestruar në cilësinë e provës materiale sendet e mëposhtme të dyshuara të vjedhura prej Durim Sema: portofol, syze dielli dhe optike, një sasi lekësh, orë dore, aparat celular./a.m.
