Ish-kryeministri Sali Berisha së fundmi ka adresuar një sërë akuzash ndaj udhëheqësit të fundit të sistemit totalitar Ramiz Alia.
Në një intervistë për “Studio e Hapur” ai tregon se Ramiz Aliaj ka dhënë urdhër për të qëlluar gjatë rrëzimit të shtatores së diktatorit.
“Ishte operacioni më i përsosur i realizuar nga PD. Nëse PD do rrëzonte me flamurin e saj bustin, PD do dilte jashtë nga ligji por do plaste luftë civile. Ramiz Alia e kishte të qartë që e rrëzoi PD këtë proces. Ideimi ishte i PD. Rrëzimin e bënë qytetarët shqiptarë. Shmangëm konfliktin. Ramiz Alia bëri gjithçka për të shpallur gjëndje të jashtëzakonshme dhe për t’ju kthyer me metoda militare PD-së,” tregon Berisha.
Ndërkohë ka qenë vetë ish-lideri i PD-së që e falenderonte publikisht kur ishte gjallë deri sa kërkoi që të ishte mik i Partisë Demokratike.
Siç e dimë ndër vite ka pasur mjaft akuza dhe aludime, se njerëzit që themeluan PD-në, janë futur nga Sigurimi i Shtetit gjë që nuk është e vërtetuar.
Thjesht mund të kujtojmë me këtë video, ku Sali Berisha falenderonte publikisht Ramiz Alian ndërsa sot kur ai s’është më gjallë thotë krejt të kundërtën për presidentin e parë pluralist.
