Sheshet qendrore të Prishtinës, janë mbushur me qytetarë dhe tifozë të shumtë, pak orë para ndeshjes historike të “play off”.
Tifozë nga Kosova dhe Turqia qëndrojnë bashkë në shumë hapësira në sheshet e kryeqytetit, ndërsa për asnjë moment nuk i ndalin këngët, thirrjet dhe brohoritjet e tyre.
Siç shihet nga pamjet, tifozët kanë dalë edhe me një banderolë të veçantë ku shkruhet: “Dardani, Shkodra të ka në zemër”.
Atmosfera është e jashtëzakonshme, kur kanë mbetur edhe pak kohë deri në nisjen e ndeshjes historike.
