Deputetët e partisë së Ali Ahmetit Bashkimi Demokrat për Integrim janë përzënë nga Kumanova. Deputetët e BDI-së së Rexhail Ismaili, Mervan Xhemaili dhe Kaltrina Azizi, kanë gjetur pak kohë më në fund nga axhenda e tyre që të vizitojnë zonën shqiptare që u përfshi nga sulmi i armatosur.
Por kanë qenë vetë banorët e Kumanovës që u kanë bërë të ditur se ata janë të padëshiruar në Kumanovë dhe në Lagjen e Trimave.
Nuk kanë munguar as fyerjet ndaj deputetëve të BDI-së së Kumanovës, duke i akuzuar ata për tradhti ndaj shqiptarëve.
Ndërkonë “është shpallur në kërkim” lideri tjetër politik i shqiptarëve Menduh Thaçi i cili ende nuk ka gjetur makinë apo kohë për të vizituar shqiptarët. I vetmi që ka vizituar Kumanovën nga politika maqedonase ka qenë lideri i opozitës Zoran Zaev ditën e djeshme.
