Superiorja mbylli dy ndeshjet e para të javës së 13-të. Kukësi ka fituar me rezultatin 2-1 ndaj Bylisit, ndërsa Flamurtari mori një pikë pa rëndësi ndaj Luftëtari për 1-1. Skuadra e Shpëtim Duros nuk kishte asnjë rezultat tjetër në dispozicion përveç fitores dhe ekipi blu nuk zhgënjeu.
Takimi nisi mirë, pasi Abazaj realizoi golin e parë për 1-0. Sulmuesi i afruar me bujë në merkaton e verës mori një top të mirë nga Musolli dhe me një goditje të fortë e pushoi në rrjetë. Hidi nuk arriti të reagonte si duhet në minutën e 20′.
Pjesa e parë u mendua se do të mbyllej 1-0 për nënkampionët, por Guindo i prishi festën me një gol me kokë. Sulmuesi gjuajti saktë brenda zonës dhe barazoi 1-1. Pjesa e dytë ishte më e luftuar me verilindorët që kërcënuan më shumë portën e Hidit. Rroca shënoi në minutën e 74′ për 2-1. Kukësi kalon Bylisin në renditje dhe kap vendin e dytë.
Flamurtari dhe Luftëtari e kanë mbyllur në barazimin 1-1 ndeshjen mes tyre. Një pikë që nuk i shërben asnjërit prej ekipeve që e shohin veten të zhytur në fundin e renditjes. Gjirokastritët flirtuan me fitoren, pasi Rrapo shënoi golin e parë për 0-1 në minutën e 53′. Kur u mendua se ekipi mik do të merrte fitoren ishte Ansi Nika që shmangu humbjen e Flamurtarit në 90’+2′ për 1-1.
g.kosovari
