Kukësi ka mposhtur Partizanin me rezultatin 1-0 në sfidën e vlefshme për javën e parë të Kategorisë Superiore. Goli i Vasil Shkurtajt në minutën e 39-të nga pika e bardhë e penalltisë i dhuroi fitoren skuadrës së Shpëtim Duros.
Një lloj “hakmarrje” sportive për skuadrën verilindore që javën e shkuar u mposht nga skuadra e Lerdës në finalen e Superkupës.
Për sa i përket takimit të sotëm, nënkampionët e Shqipërisë u shfaqën më superior në mesin e fushës, ndërkohë që nuk munguan rastet e shënimit për Partizanin, veçohet ai i Malës në minutën e 69-të, që goditi shtyllën e djathtë pingule.
Nuk mungoi as tensioni në sfidën e “Elbasan Arenës”, ku Lulaj dhe Solomon u ndëshkuan me karton të kuq pas një zënke mes tyre.
Kujtojmë që në javën e dytë, Kukësi do të jetë mysafir në Vlorë ndaj Flamurtarit, ndërkohë që Partizani do të luajë përsëri në transfertë, kësaj here ndaj Luftëtarit në Gjirokastër.
g.kosovari
