Sonte në mbrëmje qytetarët do të mund të njihen me anën sportive të kreut të Bashkisë së Tiranës Erion Veliaj. Këtë herë Veliaj është bërë pjesë e një emisioni të drejtuar nga Bora Zemani, i cili ka si subjekt tregimin e guximit përmes hedhjes me parashutë.
Në videon promo të publikuar nga gazetarja Zemani, kryebashkiaku Veliaj jep një lajm të mirë për të gjithë të apasionuarit pas sporteve ekstreme dhe sidomos të lartësive, duke premtuar ndërtimin e një piste për hedhjen me parashutë nga Mali i Dajtit, sikurse është në Llogara. Emisioni do të transmetohet sot në orën 20:30 në T-HD & në SuperSport, ku pritet që të ketë edhe shumë surpriza. /ma.me
