Partia Demokratike dhe Forumi Rinor i kësaj force politike kanë publikuar sot himnin e Korpusit Rinor Azem Hajdari, (KRAH). KRAH doli në skenë për herë të parë në protestën e Partisë Demokratike në 8 dhjetor 2015-ë. Ata ishin protagonistët e atij tubimi, pasi qëlluan me gurë dhe sende të tjera në drejtim të selisë së Këshillit të Ministrave, ndërsa më pas i vunë zjarrin bunkerit muze pranë Ministrisë së Brendshme.
Në vargjet e himnit bëhet thirrje për marshim e beteja, për të shpëtuar atdheun. “E dit’ e nat’ për të KRAH nuk ndalet, Atdheu ne na fton, ne na fton Atdheu Adheu ne na fton, ne na fton! Na prin Shqiponja, na prit o popull, Po vijmë ne për shpëtim… Jemi stërnipat e Kastriotit, Beslidhur n’përbetim, N’beteja t’ reja si burra t’motit”, thuhet në tekstin e himnit të (KRAH).
Me sa kuptohet nga vargjet, KRAH bën thirrje për rebelim, për të shpëtuar vendin…, por se kush është armiku s’dihet…!
Teksti i himnit të Korpusit Rinor Azem Hajdari (KRAH)
Kalojmë ne fusha kalojmë ne male,
Marshojmë në truallin tonë,
E dit’ e nat’ për të KRAH nuk ndalet,
Atdheu ne na fton, ne na fton Atdheu
Adheu ne na fton, ne na fton!
Na prin Shqiponja, na prit o popull,
Po vijmë ne për shpëtim,
E le t’ përhapet si valë rreth e rrotull,
Kjo këngë si kushtrim, si kushtrim kjo këngë,
Kjo këngë si kushtrim, si kushtrim!
Jemi stërnipat e Kastriotit,
Beslidhur n’përbetim,
N’beteja t’ reja si burra t’motit,
Kjo këngë si kushtrim, si kushtrim kjo këngë,
Kjo këngë si kushtrim, si kushtrim!
Shqiptarja.com
