Dy persona janë ndaluar në kuadër të kontrollit blic që është ndërmarrë në portin e Durrësit mesditën e sotme.
Mësohet se forcat speciale por dhe ato kufitare kanë rrethuar portin dhe po ushtrojnë kontrolle në kontenierë.
Dyshohet se ne konteniere mund të ketë drogë, armë dhe kontrabandë. Edhe pak ditë më parë u ushtrua kontroll i imtësishëm në kontenierë me banane të mbërritur nga Ekuadori.
Kujtojmë se më 29 shtator në portin e Durrësit mbërriti një kontejner me banane, që ishte nisur nga Brazili, duke u ndalur më pas në Pire, ku dhe u zbulua kokaina, ndërsa si destinacion kishte Shqipërinë.
Policia greke për të bërë të mundur identifikimin dhe arrestimin e porositësit e drogës, vijoi operacionin në bashkëpunim me palën shqiptare, ndërsa zëvendësoi kokainën me oriz.
Nga operacioni në fjalë u arrestuan dy persona, Ardian Bega oficer i sigurisë në Portin e Durrësit dhe punonjësi i një mjeti lundrimi, Altin Myslihaka. Ndërkohë në kërkim është shpallur Gentian Malindi, pronar i një barke lundrimi i cili akuzohet për trafik ndërkombëtar të drogës.
g.kosovari
