Ditën e sotme faturinoja i linjës “Uzina Dinamo-Qendër Sharë” është rrahur keq nga shoferi dhe faturinoja i linjës së Ndroqit në zonën e “Ish-Parkut të Autobusëve”.
Pasi e kanë goditur me grushte dhe dru, autobusi i Ndroqit është larguar, ndërsa në momentin që ka mbërritur policia, faturinoja është gjetur i shtrirë në asfalt me disa plagë në trup dhe gjak në fytyrë.
“Përshëndetje Jeta Osh Qef! Tani sa e rrahën faturonin e linjës “Uzina Dinamo-Qendër Sharë” shoferi dhe faturoni i linjës së Ndroqit. Arsyeja krejt absurde, pse merr ti njerëzit që janë në stacion, kur unë jam mbrapa teje. Madje e kanë goditur me dru faturninon. E kanë goditur me dru dhe grushta faturinon disa vetë dhe janë larguar me shpejtësi siç duket nga pamja e largimit të autobusit. Sherri nisi në brendësi të autobusit dhe përfundoi me faturonin e shtrirë në asfalt”, ka bërë me dije një dëshmitar që ka parë të gjithë rrjedhjen e ngjarjes. /Jeta osh qef/a.m.
