Për t’i shpëtuar policisë rrugore duket se drejtuesit e automjeteve, që janë në shkelje, përdorin ryshfetin. Rasti më i fundit është nga Shpëtim Mema, 48 vjeç. Ai është arrestuar pasi në rrugën e “Elbasanit”, duke udhëtuar me mjetin tip “Mercedes Benz”, me targë AB 709 T, i ka ofruar 2.000 lekë punonjësit të policisë së qarkullimit rrugor. 48-vjeçari i ka kërkuar policit ta “falte” për shkeljen e bërë, për drejtim mjeti me pasagjerë nën moshë, nxënës të një shkolle 9 vjeçare, të pa siguruar me rrip sigurimi. Ai akuzohet veprën penale “Korrupsion aktiv i personave që ushtrojnë funksione publike”.
