Nuk mund të korruptosh policinë për shkeljet e rregulave. Ky është mesazhi që prej kohësh policia e shtetit po përpiqet të përcjellë në publik, ndërsa sot një tjetër i ri është vënë në pranga.
Është Policia Rrugore e Tiranës e cila ka arrestuar për korrupsion aktiv ndaj funksionarëve Enver Eski, nga Berati.
Arrestimi u krye në mesditë, në afërsi të sheshit “Skërnderbej”, teksa Eski ka shkelur rregullat e qarkullimit, duke hyrë me makinë në një rrugë ku ndalohet lëvizja e mjeteve.
Shtetasi ka tentuar t’i ofrojë 1 mijë lekë punonjësit të policisë, në këmbim të shmangies së shkeljes.
Por ai është vënë në pranga, për korrupsion.
