(VIDEO) Kartolina e Beqajt: Kemi bërë progres inkurajues, shqiptarët meritojnë më tepër

Ministri i Shëndetësisë, Ilir Beqaj, ka uruar Vitin e Ri me një video-kartolinë të postuar në Facebook.
Në urimin e tij, Beqaj shkruan se Rilindja e Shëndetësisë është vështirë, për shkak të plagëve të mëdha të trashëguara, por shton se në këto tre vjet është bërë “progres inkurajues”.
“Të dashur Miq! Viti 2016 shënoi edhe finalizimin e një përpjekjeje të madhe e të vazhdueshme, të këtij mandati qeverisës, për të rilindur sistemin e bjerrur të shëndetësisë që trashëguam kur ne morëm detyrën.
Sigurisht që rruga e Rilindjes së Shëndetësisë është e vështirë dhe plagët e të shkuarës kanë ende nevojë për reformim rrënjësor, punë të palodhur e durim të madh për t’u kuruar.
Jemi më se të vetdijshëm se qytetarët shqiptarë meritojnë shumë më tepër, meritojnë një shërbim shëndetësor cilësor, por besojmë se ajo çfarë kemi bërë në këto tre vjet e pak, ka treguar se kemi patur shëndetin e tyre në qendër të vëmendjes, por nga ku u nisëm tre vjet më parë, kemi shënuar progres inkurajues duke shpëtuar e lehtësuar jetë njerëzish që deri dje ishin të pashpresë dhe pa asnjë kujdes dinjitoz shëndetësor.
Kemi bërë shumë, por mbetet ende shumë për të bërë!”, shkruan Beqaj në urimin e tij.