Një 27 vjeçar nga Tirana është arrestuar pasi akuzohet për vjedhjen e marketeve dhe pikave të rimbushjes telefonike në rrugët kryesore të Tiranës.
Kamerat e sigurisë kanë filmuar momentet kur i riu, i identifikuar me inicialet E.B, me kapele në kokë, nxirrte armën nga një çantë e vogël dhe kërcënonte shitësit për të marrë paratë e xhiros.
“Nga veprimet hetimore të kryera, të dokumentuara edhe me pamje filmike, dyshohet se ky shtetas, nën kërcënimin e një arme zjarri pistoletë ka kryer disa vjedhje si: një market në rrugën “Naim Frashëri”, një pike rimbushje telefonike në rrugën e Durrësit, si dhe dyshohet edhe në një pikë dhënie kredie në zonën e Zogut të Zi” informon policia e Tiranës
Në momentin e arrestimit, gjatë kontrollit iu gjet dhe sekuestrua në cilësinë e proves materiale, një armë zjarri pistoletë me të cilën dyshohet të ketë kryer vjedhjet si dhe rrobat që kishte përdorur në realizimet e vjedhjeve bashkë me kapelet.
Vijon puna hetimore për zbardhjen dhe dokumentimin e ngjarjeve të tjera kriminale ku ky shtetas mund të jetë i implikuar.
Operacioni u kodua ‘Maskimi”. Operacioni u kodua ‘Maskimi” dhe u krye nga forcat policore të Komisariatit të Policisë Nr.2 në bashkëpunim me Prokirorinë e Rrethit Gjyqësor Tiranë dhe me forcat policore të Komisariatit të Policisë Nr. 3. Materialet procedurale iu referuan Prokurorisë pranë Gjykatës Shkallës Parë Tiranë për veprime të mëtejshme për veprën penale “Vjedhja me armë`”.
g.kosovari
