Juventusi arrin të marri një fitore të thellë 4-1 ndaj Torinos në derbi. Një ndeshje e dominuar totalisht nga bardhezinjtë që gjejnë që në minutën e 3-të golin me Dybala. Në minutën e 29-të është Cuadrado që shënon edhe golin e dytë, ndërsa në fund të pjesës së parë Torino fiton një penallti që kthehet në gol nga Belotti.
Në fraksionin e dytë, Juventusi gjen edhe dy gola e tjerë të ndeshjes. Fillimisht është Ronaldo që shënon një perlë nga goditja e dënimit dhe në fund të takimit, Djidji shënon një autogol në portën e tij për të vulosur rezultatin 4-1. Me këtë fitore Juventusi shkon në kuotën e 75 pikëve dhe pret sfidën Lazio-Milan.
