Ditën e djeshme Policia e Tiranës zbuloi se një 30 vjecar kishte grabitur gomat e rreth 11 makinave në Tiranë.
Report TV ka arritur të sigurojë një video të Ervis Zervos, i cili pasi ka grabitur një gomë, i drejtohet makinës së tij për tu larguar.
30-vjecari kontrollonte zonën për kamera sigurie, sigurohej që nuk kishte njerëz dhe më pas duke përdorur një kriko, i merrte gomat e makinës në një karton dhe i transportonte drejt makinës së tij tip Golf.
Në këtë video të siguruar nga Report TV dallohet Ervis Zervo i cili kalon mes përmes një pallati me karton në krah, ku dallohet qartë se ka një gomë në brendësi të tij.
30-vjecari qetësisht shkonte te makina e tij, ndërkohë që makinave të cilave u ka hequr gomat, u ka vendosur disa gurë.
Nga kjo video e siguruar nga Report TV bie në sy se Ervis Zervo i kryente shumicën e vjedhjeve ditën. Ora shënon 14 49 minuta të mesditës kur i riu vjedh 4 gomat të një makine qetësisht dhe largohet pa rënë në sy tek banorët e tjerë në zonë.
Gjithashtu Report TV ka siguruar edhe foton e plotë të makinës me të cilën lëvizte i riu, i cili ishte kthyer në tmerrin e banorëve të Tiranës, për shkak se u merrte gomat e makinave dhe më pas i shiste ato. Makinat e preferuara të Ervis Zervos ishin Mercedez-Benz, Audi dhe Volfsvagen.
Policia ka dokumentuar 11 raste të vjedhjes së gomave, por dyshohet se Ervis Zervo ka kryer një sërë grabitjesh të tjera./a.m.
