Një vajzë 19 vjeçare në Afganistan është vrarë me gurë nga një grup talebanësh, pasi akuzohej se ishte arratisur me të fejuarin dhe kishte kryer marëdhënie seksuale me të, para se të martohej.
Një video amatore është publikuar nga media ndërkombëtare, ku tregohet skena makabre e goditjes së vajzës, me emrin Rokhshana, e cila jetonte në qytetin Firoz-Koh të provincës Ghor në Afganistan. Ngjarja ka ndodhur më 25 tetor.
Vajzat e pamartuara në Afganistan shpesh janë të ndaluara të dalin nga shtëpitë e tyre e gjithashtu e kanë të ndaluar të kenë kontakt me njerëz që nuk janë pjesëtarë të familjes së tyre. Vrasja me gurë për shkelje të kurorës është e ndaluar sipas ligjit afgan, edhe pse ato që e bëjnë përballen me disa vite burg. Por në zonat rurale, ku militantët talebanë kanë pushtetin, afganët i drejtohen gjykatave të talebanëve për zgjidhjen e mosmarrëveshjeve.
