Zbardhen të tjera detaje nga hetimi për zjarrin e mbrëmshëm në garazhin e një pallati në Tiranë, ku u shkrumbuan tre automjet, njëra prej tyre e kantautorit Flori Mumajesi.
Nga hetimet e deritanishme policia mbërrin në përfundimin se zjarri ka qenë i qëllimshëm dhe objekt ka qenë pikërisht Mumajesi, për arsye që ende pritet të sqarohen.
Nga këqyrja e kamerave të sigurisë ka rezultuar se një person veshur me xhinse dhe bluzë me kapuç ka hyrë në garazh me dy bidonë në dorë.
Më pas ai i ka derdhur bidonat që mendohet të jenë me benzinë te mjeti i Mumajesit, tip fuoristrada dhe më pas kanë shpërthyer flakët.
Policia ka sekuestruar dhe pamjet të kamerave të tjera të sigurisë për të bërë identifikimin e autorit. Deri tani nuk ka asnjë të shoqëruar.
Panorama/d.i.
(VIDEO) Ja personi që i vuri zjarrin makinës së Flor Mumajesit
