Një shqiptar i arrestuar pak ditë më parë nga policia italiane si pjesë e një grupi të fuqishëm trafiku kokaine në Ankona ka dalë sot para gjykatës italiane. Shqiptari Ervis Gjyshi, 33 vjeç sapo ka hyrë në ambientet e gjykatës është ndjerë keq dhe është dashur ndihma e ambulancës për t’i dhënë ndihëm e parë.
Shqiptari i njohur ndryshe si ‘Visi’u transportua në spital, ndërsa seanca u shty për datë tjetër. Ai u arrestua në Itali gjatë aksionit policor të koduar “Mare e Monti”, që goditi një nga grupet kryesore të trafikut të kokainës në Ankona. Sipas hetuesve, Gjyshi ishte shpërndarësi numër 1 i organizatës që përbehej më së shumti nga anëtarë të familjes Spinelli. /ma.me
