Ky 11 korrik shënon 9-vjetorin e triumfit të Spanjës ndaj Holandës (1-0), në finalen e Kupës së Botës 2010. Në atë ndeshje të paharrueshme për iberikët, protagonisti më i madh ishte Andres Iniesta. Ish-kapiteni i Barcelonës, që tashmë luan në Japoni, i ka përkujtuar ato momente magjike me një video, që e ka shpërndarë në rrjetet sociale me mesazhin “nëntë vite lumturie të përjetshme”.
Lojtari aktual i Vissel Kobe ishte pjesë e një brezi të artë, që përveç fitores së atij Botërori, bëri të vetët edhe dy Kampionate Europiane radhazi. Një brez i plotë lojtarësh, të dalë nga Akademia e Barçës, si Victor Valdes, Carles Puyol, Xavi Hernandez, Gerard Pique, Sergio Busquets, Pedro Rodriguez dhe Andres Iniesta, pa harruar të tjerët: Iker Casillas, Fernando Torres, David Villa, Sergio Ramos, Santi Cazorla…
Andrés Iniesta shënoi golin e triumfit të Spanjës ndaj Holandës në atë Botëror, në minutën e 116-të të kohës shtesë, në finalen e luajtur në Johanesburg. Ai dhe David Villa do të ribashkohen me ish-shokët e skuadrës, si Busquets, Pique dhe Leo Messi, këtë verë, kur Barcelona, para nisjes së sezonit 2019-2020, do të jetë për një turne në Japoni. Atje do të përballet me Chelsea, në Tokio, dhe Vissel, në Kobe.
Kjo është videoja e publikuar nga Andres Iniesta:
Nueve años de la felicidad eterna ⚽️❤️🇪🇸 pic.twitter.com/S3kaoCJ3Dy
— Andrés Iniesta (@andresiniesta8) July 11, 2019
g.kosovari
