Donald Trump u prit me fyerje të enjten, teksa kryente homazhe para arkivolit të gjyqtares liberale Ruth Bader Ginsburg në Uashington.
Turma e mbledhur në shkallët e ndërtesës së Gjykatës së Lartë shpërtheu në thirrje të rëndë ndaj presidentit amerikan, sapo ky i fundit u shfaq.
Ginsburg vdiq të premten e kaluar në moshën 87-vjeçare, shkruan javanews. Trump u shfaq sot në homazhe i shoqëruar nga Melania. “Shpërthimi” i turmës në adresë të tij vjen pasi Presidenti i SHBA kërkoi ta zëvendësonte Ginsburg në prag të zgjedhjeve të 3 Nëntorit.
Demokratët e kanë cilësuar këtë lëvizje si të pabesë dhe hipokrite pasi republikanët bllokuan të nominuarin nga Obama 10 muaj para zgjedhjeve në vitin 2016. Pra, një sjellje me dy standarde.
/JavaNews/a.r
