Këngëtares Greta Koçi i ka ndodhur një e papritur gjatë një interviste në emisionin “n’Kosovë show”. Moderatori futi në emision një djalë që kërkonte të bisedonte me këngëtaren e njohur.
Ai quhej Fitim dhe se pretendonte se e njihte Gretën, por kjo e fundit u shpreh se ishte hera e parë se e shihte. Në fillimet e karrierës Gretën e kam pasur fiksim, ndërkohë filloi pëlqimi i dashurisë. Fillova ta ndjek nëpër koncerte, kur ka ardhur në Hanover jemi takuar në prapaskenë, kemi folur”, tha Fitimi.
“Fitim nuk ju kam parë ndonjëherë, nuk ju kujtoj”, reagoi Greta. “Kemi diskutuar edhe nëpërmjet internetit”, vazhdoi Fitimi duke u shprehur se i ka të ruajtura në celular mesazhet me Gretën.
“Gjatë komunikimit me internet, tu e shty, tu e shty këtë punë…”, vazhdoi Fitimi ndërsa Greta e ndërpreu: “Çfarë ke shty me mua ti? Se të dalësh ti tani publikisht e të thuash ke folur me mua, s’ka shans të flasi njeri me mua”.
“Kam folur edhe me babën e mamanë tënde. I kam treguar që e dua, ndjenjat e mia”, tha Fitimi. “Sa veta mund të më duan mua…Unë nuk mund të jem pjesë e fantazisë tënde”, u shpreh Greta ndërsa Fitimi vazhdoi se me Gretën ishte takuar edhe në shoqëri. “Ku e njeh ti shoqërinë time? Unë s’kam shoqëri fare”, iu përgjigj këngëtarja.
“Më ka mbajt me shpresa”, tha Fitimi. “Unë se njoh fare këtë, paska fol ky me mua. Jeni n’terezi apo jo?”, u shpreh Greta e nxehur. “S’je kalama, je goxha djalë që të mashtrosh kështu”, i tha këngëtarja.
“Ti mund të kesh ardhur në prapaskenë, ke bërë një foto, më ke dhënë dorën, kjo nuk do të thotë që unë të kam dhënë më shumë konfidenca seç duhet”, u shpreh Greta.
Fitimi nxorri kutinë me unazë dhe iu ul në gjunjë këngëtares duke e lënë atë të habitur. “Seriozisht e ke?”, e pyeti Greta. “Kam marrë dhe lejen e babait të Gretës”, tha Fitimi. “Paske leje nga baba im dhe jo nga e zonja punës. Ti s’do martohesh me babën tim”, i tha Greta ndërsa Fitimi nisi të qante duke u shprehur se ndihet i ofenduar.
“Ti nuk më ke takuar ndonjëherë, e fantazon në tru. Unë nuk të njoh fare. Po martohu me ndonjë tjetër, me mua e gjete të fiksohesh. Nëse je fans të vlerësoj shumë, por jo me kaluar në gjëra të tilla se edhe ti vetë lëndohesh. Nuk ke fol me mua more ti djalë. Nuk ke fol me mua. Po të flas si njeri se jemi edhe para kamerave”, i tha Greta Fitimit ndërsa moderatori ndërhyri duke i thënë se kjo pjesë nuk po regjistrohet. Sapo e mori vesh, Greta u çua dhe i tha Fitimit: Ça do ti v’lla? O ti zotëri kush je ti njëherë? Je mirë nga trutë ti? Është ndonjë lojë kjo? Se këto janë të turpshme. Të thuash këtu kam folur me të, ku ka shanse njeri të flasë me mua. Pse ça u bo këtu, u lirua?”, tha Greta e nxehur nga kjo situatë që u krijua. Moderatori e ndërpreu të gjithë skenën dhe tha se Fitimi është aktor.
