Një qytetar u gjobit për udhëtim me mjetin e tij pa ndezur dritat. Por, ai pretendon se dritat i ka pasur të ndezura, duke debatuar me policin.
I gjithë debati mes policit dhe qytetarit është filmuar. Ky xhirim ka disa muaj pasi duket se ata janë veshur me rroba verore. regjistrimi është kryer në Tiranë ndërkohë videoja u publikua nga JOQ.
DABATI I PLOTË
Shoferi: Kjo ndalesë ishte për?
Polici: Ta tregova mor burrë
Shoferi: Ma përsërit edhe njëherë po nuk përtove
Polici: Po s’ka asnjë lloj problemi, po pse duhet me ta përsërit 100 herë
Shoferi: Për çfarë më ndalove?
Polici: Për dritat…
Shoferi: Unë po të them i kisha të ndezura
Polici: Unë po të them që nuk i kishe të ndezura. Do marrësh masë administrative gjobë për mos përdorim të sistemit pamor të dritave dhe do vazhdosh rrugën, s’ka asnjë problem
Shoferi: Unë po të them i kisha të ndezura, të betohem i kisha të ndezura
Polici: Nuk e kemi me be këtu, e kemi pa be
Shoferi: Jam me rrip, jam i rregullt, mos ma vër gjobën kot. Po të betohem se po ma vë gjobën kot.
Pasagjeri: Ishin të ndezura dritat, nuk i shef t’i se ka diell…
