Kryetari i Bashkisë Tepelenë, Tërmet Peçi, këndon në nder të ish-diktatorit komunist, Enver Hoxha. Mbrëmjen e djeshme, Peçi ka mbledhur në një darkë festive me rastin e 75-vjetorit të çlirimit të qytetit, ku ka marrë pjesë edhe këngëtari Golik, i grupit polifonik të Bënçës. Goliku, kryebashkiaku i Tepelenës dhe dhjetëra të tjera shfaqen në video duke i thurur lavde Hoxhës.
Në një moment në video, Peçi shihet duke bërë shenjën me grusht të përshëndetjes së komunistëve.
“Enver Hoxha kapedani legjendar, bëre Shqipërinë vigane.”-janë disa nga vargjet e këngës.
Por pas publikimit të videos ka reaguar deputeti i PD, Tritan Shehu duke i kërkuar kryeministrit shkarkimin e Peçit
“I kerkoj Kryeministrit, si deputeti Qarkut, te shkarkoje menjehere Kryetarin e Bashkise se Tepelenes,Termet Peci.
Gjithashtu Prokuroria duhet te veproje ndaj tij per shkelje te ligjit.
I bej thirje opinionit publik, mediave, shoqatave te ish te perndjekurve politike te reagojne me force ndaj ketij skandali e turpi te vertete!
Termeti i “bemave te medha”, mbreme ne darken zyrtare te shtruar nga Bashkia e Tepelenes me rastin e 75 vjetorit te clirimit te saj, i thurr lavde e kendon per diktatorin Hoxha, gje qe me tej e publikon“, shkruan Shehu
a.ç
