Ka mbërritur prej dy javësh në vendin tonë por nuk ka një vend ku të strehohet e sot ai gjendet i rehabilituar në një qendër ditore sociale në Tiranë.
Angazhimi i bashkisë së kryeqytetit për të strehuar të pastrehët në ambiente të sigurta për shkak të temperaturave të ulëta, ka përfshirë edhe këtë shtetas amerikan.
31-vjecari Trevor James, nga Oregon i SHBA, pas një turi në disa vende të Europës, nga Serbia, Mali i Zi dhe Kroacia, prej dy javësh bashkë me kitarën e tij bënte muzikë në rrugët e kryeqytetit shqiptar.
Tashmë ai është akomoduar në qendrën sociale ditore të qëndrojmë së bashku.Drejtoresha e këtij institucioni, Mimoza Agalliu na rrëfen se si ky shtetas amerikan ka mbërritur në dyert e këtij institucioni ndërsa thotë se po merren masa për t’iu drejtuar ambasadës së SHBA për këtë shtetas amerikan.
“Ai ishte shumë i lodhur dhe shumë i hutuar, por u socializua dhe i ndje si në familje. Pretendonte se kishte shëtitur disa vende të Ballkanit dhe kishte përfunduar këtu 2 javë më parë. Përmendte një kitare, që i duheshe për tu bashkuar me grupin. Do të njoftojmë Ambasadën Amerikane në Tiranë” tha ajo.
Për shaka të temperaturave të ulëta dhe gjendjes së emergjencës vetëm në këtë qendër janë rehabilituar mbi 30 persona të cilët ushqehen u sigurohet veshmbathje dhe fjetje.
“Jemi në gatishmëri për të pritur të gjithë njerëzit e pastrehë. Kemi tre ditë që i trajtojmë, kanë ardhur 31 persona”. Situata emergjente pritet të vijojë edhe disa ditë./report tv/a.k
