“Nuk është më, ka vdekur, ka vdekur Xhesika, ka vdekur”
Mes lotëve dhe dhimbjes këto ishin ato pak fjalë që mund të shqiptonte para kamerave i ati i Xhesika Gjonajt, njëra ndër 4 të rinjtë që humbën jetën sot në Itali, pas një aksidenti tragjik dhe të frikshëm. I ati i shqiptes i telefon të afërmve për ti lajmëruar për humbjen e jetës së vogëlushes së tyre teksa më pas thotë duke ju dridhur zëri se dhe ai ka vdekur.
“Nuk mund të flas, nuk është e mundur. O Zot, ishin të gjithë miq, ishin të rinj të mrekullueshëm. Xhekisa ishte një vajzë e jashtëzakonshme. Nuk kam fjalë, edhe unë kam vdekur”, shprehet në lotë ai teksa largohet nga vendi i aksidentit që i mori të bijën
Aksidenti tragjik ndodhi rreth orës 03:30 të së dielës, ku “Mini Cooper-i”, me të cilin udhëtonin katër të rinjtë doli nga rruga dhe u përplas me murin rrethues të një restoranti.
Përplasja ishte aq e fortë sa që dy prej tyre, shoferi dhe pasagjeri që ishte ulur në vendin e parë, përfunduan jashtë automjetit, kurse për nxjerrjen e dy trupave të tjerë pajetë, zjarre fikësve iu deshën më shumë se tre orë punë./a.k
