Empoli është mposhtur ditën e sotme 1-2 nga Venezia në shtëpi. Një ndeshje për t’u harruar për Empolin që pasi fitoi ndaj Juventusit një javë më parë, sot e pëson nga Venezia.
Miqtë shënuan dy herë me Henry dhe Okereke, ndërsa për vendasit shënoi Bajrami.
Mesfushori i Kombëtares shqiptare goditi saktë nga penallti duke ngushtuar për momentin rezultatin, por që nuk mjaftoi për të evituar humbjen.
Ky ishte goli i parë për Bajramin që e bën sefte në Serie A pas vetëm 3 javësh.
