Forcat ukrainase kanë kryer një ndër misionet më të pamundura mëngjesin e sotëm duke dërguar dy helikopterë të armatosur 40 kilometra në brendësi të territorit rus, të cilët hodhën bombat dhe u rikthyen në bazë pranë Kharkivit.
Sëfundmi në rrjetet sociale dhe mediat e huaja kanë dalë pamjet e sulmit mbi një rafineri gjigante nafte në Belgorod, e cila shpërtheu e gjitha në flakë pas raketave të lëshuara nga dy helikopterë Mi-24, raporton abcnews.al.
Pas sulmit ata u larguan të qetë në drejtim të Ukrainës duke fluturuar shumë ulët me qëllim që të mos kapeshin nga radarët si edhe të mos sulmoheshin dot me sisteme raketore anti-ajrore.
Është e çuditshme se ka ndodhur e gjithë kjo pasi Rusia ka sisteme të avancuara radarësh, ndërkohë që Kharkivi është i rrethuar nga rusët dhe për më tepër, helikopterët u futën disa dhjetra kilometra në brendësi të territorit të tyre.
Kjo është hera e parë që ukrainasit fusin helikopterë apo avionë në territorin rus, ndërsa më parë kanë sulmuar me raketa një bazë ajrore në Rostov.
Nderkohe qe jë zyrtar rus akuzoi Ukrainën për një sulm me helikopter në një depo karburanti brenda territorit rus të premten, ndërsa u shfaqën pamjet e objektit të përfshirë nga flakët.
Guvernatori i rajonit të Belgorodit të Rusisë, pretendoi se dy helikopterë ushtarakë ukrainas fluturuan përtej kufirit, sot në mëngjes dhe goditën objektin e magazinimit të karburantit, duke i vënë flakën.
Një zëdhënës i ministrisë së mbrojtjes së Ukrainës, nuk pranoi të komentojë mbi akuzat ruse.
“Do të doja të theksoja se Ukraina po kryen një operacion mbrojtës kundër agresionit rus në territorin e Ukrainës”, tha në një deklaratë televizive të premten Oleksandr Motuzyanyk, zëdhënës i Ministrisë së Mbrojtjes të Ukrainës.
Sipas tij, kjo nuk do të thotë se Ukraina duhet të jetë përgjegjëse për çdo llogaritje të gabuar, ngjarje apo katastrofë që ka ndodhur në territorin e Federatës Ruse.
“Kjo nuk është hera e parë që jemi dëshmitarë të akuzave të tilla. Prandaj, unë as nuk do ta konfirmoj dhe as nuk do ta mohoj këtë informacion”, shtoi ai./m.j
#Ukraine: Early today, 2 Ukrainian Mi-24 attack helicopters flew at extremely low level over the border with Russia & struck the large oil facility in the city of #Belgorod with multiple S-8 series unguided rockets, causing a major fire. Here is the strike/escape in slo-mo. pic.twitter.com/oGs5eayc1c
— 🇺🇦 Ukraine Weapons Tracker (@UAWeapons) April 1, 2022
