Një pronar në Durrës ka thyer të gjitha rregullat e izolimit nga koronavirusi duke hapur lokalin e tij “Bar Kafe”. I identifikuari me inicialet E. L., 44 vjeç mbante edhe armë zjarri pa leje.
Për shkeljen e fundit, mund të dënohet me burgim deri në 7 vjet sipas Kodit Penal. Ndërsa për hapjen e lokalit u mor masë administrative.
Rasti i tij u zbulua nga policia pas kontrollit të territorit, për zbatimin e masave për parandalimin e përhapjes së COVID-19.
Pasi u konstatua i hapur lokali në lagjen nr.18, u bë kontrollli ku u sekuestrua në cilësinë e provës materiale një armë zjarri pistoletë tip “Beretta” dhe një krehër me 4 fishekë.
Materialet i kaluan Prokurorisë së Durrësit, për veprën penale “Armëmbajtja pa leje”.
g.kosovari
