Një gabim i vogël në drejtimin e makinës do t’i kushtojë shtrenjtë një gruaje në Virxhinia të SHBA-ve.
Ndërsa lëvizte me makinën e saj, një “Mercedes” model i vjetër, ajo ka përplasur një “Ferrari 458 Special”, me vlerë 400 mijë dollarë.
Makina ndodhej e parkuar në anë të rrugës, pasi aty po zhvillohej një event i koleksionistëve të makinave. Pamjet tregojnë momentin e përplasjes dhe reagimin e pronarit të “Ferrari”-t, i cili nuk u beson syve.
“Shaka është kjo?”, thotë ai. Ndërsa gruaja e tronditur i përgjigjet: O Zot, po dridhem.
