Pas dy barazimeve radhazi, Barcelona sot u rikthye te fitorja në kampionat. Katalanasit fituan 4-1 Villarreal-in në transfertë dhe ruajtën diferencën prej katër pikësh në renditje me Real Madridin, aktualisht kryesues në La Liga.
Golat e takimit u shënuan nga Torres (3’, autogol), Suarez (20’), Griezmann (45’) dhe Fati (86’) për Barcelonën dhe nga Moreno (14’) për Villarreal-in.
Suarez me golin e tij u bë lojtari i parë i katalanasve, i cili shënon në të 12 muajt e vitit në La Liga. Messi, ndërkohë, nuk e gjeti rrugën e rrjetës, por shkoi në kuotën e 19 asisteve në këtë kampionat, shifra më e mirë që ka arritur ndonjëherë.
g.kosovari
