Sekretarja e Marrëdhënieve me Publikun në PD, Grida Duma, është një nga zërat më me peshë në selinë blu. Por të jesh potente në politikën e PD-së nuk do të thotë aspak të jesh e pagabueshme. Kështu ka ndodhur edhe sot. Teksa thirri gazetarët në një deklaratë për mediat për të denoncuar lumin e drogës që po rrjedh nga Shqipëria drejt Italisë, Duma është emocionuar aq shumë sa duket se e ka zënë edhe atë vetë “droga”. Duke folur për kapjen e një sasie prej 8 ton hashashi në Itali, që dyshohet të jetë nisur nga porti i Durrësit, Duma ka regjistruar para kamerave një gafë, që nuk e ka përsëritur një por plot dy herë, dhe me insistim madje, raporton balkanweb. “Perla” që Duma thotë është se droga është nisur nga aeroporti i Durrësit, si për të na treguar pikërisht atë moment kur mendja është në vend tjetër dhe goja flet për gjë tjetër. /ma.me
