Real Madrid ka kaluar në avantazh në takimin gjysmëfinal të Superkupës së Spanjës përballë Valencias. Në minutën e 15-të, ishte mesfushori gjerman, Toni Kroos, ai që gjeti rrugën e rrjetës.
Numri 8 i Real Madrid shkon për të ekzekutuar një goditje këndi, shikon portierin e Valencias që nuk është në pozicionin e duhur dhe tenton menjëherë portën. Harkimi i tij ishte i shkëlqyer dhe pavarësisht se portieri grushtoi, topi shkoi në trekëndëshin e portës. Një gol shumë i bukur ky i mesfushorit gjerman, që pak ditë më parë, festoi dhe ditëlindjen e tij. /e.s/
